Li gorî rapora Komîteya Micadeleya Yekîneyên bi Şênîyên Cihûyî û Dîwara Cudahîyê ku girêdayê Rêxistina Xelasîya Filistînî ye, bi taybetî xerakirina xanî û dikanan li El Xelîl- Cenîn, Quds û Selfîtê zêde bûye.
Serokê Komîteyê Mueyyed Şaban, destnîşan kir ku van xerakirinan di çarçoveya polîtîkayên astengkirina fealîyetên înşeat û firehbûna tebîetî ya Filistînîyan de tê kirin.
Şaban, îfade kir ku li Şerîaya Rojava û Qudsê 27 planên îşxalkirinên nû jî di pêvajoya erêkirinê de ye û van planan jî 245 donim erdê Filistînîyan di nav xwe de dihewîne. Tê plankirin ku li van beşan 2 hezar û 684 xanî an jî dikanên îşxalê bêne lêkirin.
Li gorî raporê rejima sîyonîst û şênîyên îşxalker di meha Sibatê de 1705 êrîşan pêk anîtine. Di nav van êrîşan de êrîşên wek bi çek, xespkirina erdan, înfaz, zerardayîna ji erdên çandinî û êrîşdarîya ji gundên Filistînîyan hene.
Li gorî daneyên fermî, ji 7ê Cotmeha 2023yan vir ve li Şerîaya Rojava û Qudsê 928 Filistînî hatin şehîdkirin, 7 hezar kes birîndar bûn û 14 hezar û 500 mirov jî hatin desteserkirin.
Dîwana Edaleta Navneteweyî ya Neteweyên Yekbûyî, di Tîrmeha 2024an de daxuyandibû ku bila rejima îşxalker fealîyetên nû yên îşxalê bide sekinandin û ji axên Filistînîyên ku hatine xespkirin vekişe encax rejima sîyonîst vê biryarê red kiribû.
Bal tê kişandin ku rejima îşxalker bi tevî êrîşa ji Xezzeyê re bi heman demê êrîşa xwe ya li dijî Şerîaya Rojava û Qudsê jî firehtir kirîye û êrîşên xwe yên li dijî Filistînîyan kirîye wek êrîşeke sîstematîkî.
