Li temamî Tirkîyeyê hewa gellekî germ e û ev germahî dewam dike.
Li navçeya Cizîra Şirnexê hewa pirtir germ e û rojên herî germ hêj berdewam dike.
Li navçeya Cizîrê di saetên serê sibehê de roj rûyê xwe yê germ nîşan dide û tu kes nikare derbikeve derve.
Di saetên nîvroyê de jî kolan û cedde bi temamî vala dibin ji ber germahiyê.
Dikandaran li ser dikanên xwe nivîsandin ku ji ber germahiya zêde em girtîne.
Ji ber germahiya zêde xelkê Cizîrê, der û dora xaniyê xwe bi taybetî li ber derîyên xwe bi xortiman şil dikin da ku hênik be. Zarok jî bi avê dileyîzin û bi vî şeklî hewla xelasbûna ji germahiya zêde didin
Xebatkarên ku mecbûr in di germahiya zêde de bixebitin gellekî zêde zehmetiyan dikşînin.
Dikandarên Cizîrê îfade kirin ku hewa gellekî germ e û ji ber germahiyê em nikarin derkevin derve.
Li Diyarbekirê jî termometre 49 dereceyan nîşan da.
Xebatkarên ku di bin germahiya zêde de mecbûr in ku bixebitin rojên bi zor û zehmet dikşînin.
Karkerên ku di înşaatan de dixebitin, gelek saetan di bin germahiya tavê de xebatên xwe dewam dikin.
Gelek malzemeyên hesinî û beton di bin germahiya zêde de germ dibin û bi xeter û tehlûke dibin. Ji bo xebatkaran jî îmkana sîyê gellekî hindik û sînordar e.
